ប្រេសិតពិសេស US រាយការណ៍អំពីការរីកចម្រើននៃកិច្ចចរចាព្រំដែនអ៊ីស្រាអែល-លីបង់
Publié le 12 Septembre 2020
AFP | Publication date 11 September 2020
ក្រុងបេរូត៖ ប្រេសិតពិសេសអាមេរិកម្នាក់កាលពីថ្ងៃអង្គារបានថ្លែងថា លោកសង្ឃឹមថា នឹងចុះកិច្ចព្រមព្រៀងទៅលើគម្រោងមួយនៅក្នុងរយៈពេលប៉ុន្មានសប្តាហ៍ខាងមុខនេះ សម្រាប់ប្រទេសលីបង់ និងអ៊ីស្រាអែល ដើម្បីចាប់ផ្តើមពិភាក្សាគ្នាអំពីជម្លោះព្រំដែនសមុទ្ររបស់ពួកគេ។
ប្រទេសលីបង់ កាលពីឆ្នាំ ២០១៨ បានចុះកិច្ចសន្យាដំបូងរបស់ខ្លួន ដើម្បីខួងប្រេង និងឧស្ម័ន នៅក្នុងដែនទឹករបស់ខ្លួន ដែលក្នុងនោះមាន តំបន់មានជម្លោះ ១ កន្លែង របស់ប្រទេសក្បែរខាងអ៊ីស្រាអែលភាគខាងត្បូងរបស់ខ្លួន ដោយមានរាប់បញ្ចូលទាំងតំបន់ ដែលខ្លួនបានប្រយុទ្ធក្នុងសង្គ្រាមជាច្រើនផងដែរ។
រដ្ឋាភិបាលអ៊ីស្រាអែលកាលពីខែឧសភា ឆ្នាំ ២០១៩ បានថ្លែងថា ប្រទេសរបស់ខ្លួនបានយល់ព្រមឲ្យមានកិច្ចពិភាក្សាសម្របសម្រួលដោយអាមេរិក ជាមួយប្រទេសលីបង់ ដើម្បីដោះស្រាយជម្លោះព្រំដែនទឹករបស់ប្រទេសទាំង ២។
ឧបការីអាមេរិកទទួលបន្ទុកកិច្ចការនៅជិតភាគខាងកើត គឺលោក ដេវីដ ស្កេនឃើរ បានថ្លែងថា៖ «ខ្ញុំជឿជាក់ថា យើងកំពុងធ្វើឲ្យមានការរីកចម្រើនមួយចំនួនបន្ថែមទៀត នៅក្នុងការសម្របសម្រួលនេះ»។
លោកបានថ្លែងប្រាប់ក្រុមអ្នកកាសែតលីបង់ នៅក្នុងកិច្ចប្រជុំតាមទូរស័ព្ទថា៖ «ខ្ញុំទន្ទឹងរង់ចាំ ដើម្បីបញ្ចប់ជាមួយកិច្ចព្រមព្រៀងគម្រោងនេះ ដូច្នេះប្រទេសលីបង់ និងអ៊ីស្រាអែល អាចបន្តឲ្យមានការចរចាអំពីព្រំដែនទឹករបស់អ្នក»។
លោកបន្ថែមថា៖ «ខ្ញុំសង្ឃឹមថា លីបង់នឹងអាចធ្វើកិច្ចព្រមព្រៀងជាមួយអ៊ីស្រាអែលនៅប៉ុន្មានសប្តាហ៍ខាងមុខនេះ»៕ AFP