ទឹកទន្លេមេគង្គស្ថិតក្នុងកម្រិតទាបជាប្រវត្តិសាស្ត្
Publié le 28 Juillet 2020
Mark Hughes / Khmer Times
july 27,2020
ជម្រៅទឹកទន្លេមេគង្គមានសភាពរាក់មិនធម្មតាជាប្រវត្តិសាស្ត្រនៃទន្លេរដ៏មានសារសំខាន់នេះ។ យោងតាមការវាស់កម្រិតទឹកនៅឯកំពង់ផែភ្នំពេញរបស់គណៈកម្មការទនេ្លមេគង្គ បានបង្ហាញថាកម្ពស់ទឹកទន្លេមានកម្រិតទាបជាង ៤ ម៉ែត្រជាមធ្យមសម្រាប់ឆ្នាំនេះ ខណៈដែលតួរលេខនេះទាបជាងកំណត់ត្រាកាលពីឆ្នាំកន្លងទៅ។
ការវាស់កំពស់ទឹកទន្លេនៅបឹងទន្លេសាបនេះមានចម្ងាយត្រឹមតែប៉ុន្មានរយម៉ែត្រនៃផ្នែកខាងលើពីបឹងទន្លេសាបជាប់និងទន្លេមេគង្គ។ កម្រិតទឹកទន្លេនេះបង្ហាញពីការប្រែប្រួលប្រចាំឆ្នាំនៃបឹងទន្លេសាបនិងការជន់លិចនៅជុំវិញបឹងទន្លេសាបដែលនឹងកើតឡើងច្រើនជាងការរំពឹងទុក។ នេះបើតាមការឲ្យដឹងពីលោក Brian Eyler នាយកផ្នែកគម្រោងសិក្សាតំបន់អាស៊ីអាគ្នេយ៍នៅវិទ្យាស្ថាន Stimso ដែលបានបង្ហោះនៅលើបណ្ដាញសង្គម Twitter។
លោកបានមានប្រសាសន៍ថា៖ «កត្តាទាំងនេះបណ្តាលមកពីការខ្វះទឹកភ្លៀង រដូវវស្សាក្នុងតំបន់ទន្លេមេគង្គមិនទាន់ចាប់ផ្តើម និងផលប៉ះពាល់នៃទំនប់វារីអគ្គិសនីចំនួនរាប់រយទីតាំងនៅប្រទេសឡាវ កម្ពុជា ថៃ វៀតណាម និងចិន។»
ទំនប់ទឹកសំខាន់ៗនៅប្រទេសចិនដែលមានដូចជាទំបន់វារីអគ្គិសនី Xiaowan និង Nuozhadu បានបង្កឲ្យមានផលប៉ះពាល់ដល់លំហូរទឹក ខណៈដែលទីតាំងទាំងនេះកំពុងតែស្ថិតក្នុងដំណើរការនៃការបិទលំហូរទឹកប្រមាណជា ២០ ពាន់លានម៉ែត្រគូបក្នុងពេលដែលខ្សែទឹកខាងក្រោមត្រូវការ
ទឹក។
ប្រជាជនរាប់ពាន់គ្រួសារនៅប្រទេសកម្ពុជាពឹងផ្អែកយ៉ាងខ្លាំងលើទន្លេមេគង្គសម្រាប់សកម្មភាពផ្សេងក្នុងជីវភាពប្រចាំថ្ងៃ។ លោក Brian Eyler បានបន្តឲ្យដឹងថា៖ «យោងតាមរបាយការណ៍កាលពីពេលថ្មីៗកន្លទៅរបស់ #Mekong ក៏បានធ្វើការបញ្ជាក់ពីកម្រិតទាបខណៈដែលទិន្នន័យ
របស់ @MRCMekong នាពេលបច្ចុប្បន្នបានបង្ហាញពីកម្ពស់ទឹកទន្លេនៅកំពង់ផែភ្នំពេញ (តាមដងទន្លេសាប) ស្ថិតក្នុងកម្រិតទាបជាង ៤ ម៉ែត្រជាមធ្យមក្នុងប្រវត្តិសាស្ត្រ។»
គណៈកម្មការទនេ្លមេគង្គគឺជាអង្គការអន្តររដ្ឋាភិបាលតែមួយគត់ដែលធ្វើការដោយផ្ទាល់ជាមួយរដ្ឋាភិបាលនៃប្រទេសកម្ពុជា ឡាវ ថៃ និងវៀតណាមដើម្បីរួមគ្នាគ្រប់គ្រងធនធានទឹកនិងការអភិវឌ្ឍប្រកបដោយចីរភាពនៃទន្លេមេគង្គ។
ក្នុងនាមជាអង្គភាពសម្របសម្រួលនិងប្រឹក្សាក្នុងតំបន់ដែលគ្រប់គ្រងដោយរដ្ឋមន្ត្រីក្រសួងធនធានទឹក និងបរិស្ថាននៃប្រទេសទាំង ៤ ខាងលើនេះ គណៈកម្មការទនេ្លមេគង្គធានាឲ្យបាននូវការអភិវឌ្ឍប្រកបដោយប្រសិទ្ធភាពនិងផលប្រយោជន៍ទៅវិញទៅមកនៃទន្លេមេគង្គ ហើយកាត់បន្ថយផលប៉ះពាល់ដល់ប្រជាជននិងបរិស្ថានក្នុងអាងទន្លេមេគង្គក្រោម។
យោងតាមមូលនិធិ Thomson Trust Foundation បានឲ្យដឹងថា ជាធម្មតា ទឹកហូរចូលបឹងទន្លេសាបសម្រាប់រយៈពេល ១២០ ថ្ងៃ មុនពេលទឹកហូរត្រឡប់មកទន្លេមេគង្គវិញ ខណៈរដូវមូសុងបានបញ្ចប់ជាធម្មតានៅចុងខែកញ្ញា។ ផ្អែកតាមការព្យាករណ៍ទឹកភ្លៀង និងទិន្នន័យទឹកភ្លៀង លំហូររបស់ទន្លេនឹងកើតមានឡើងក្នុងអំឡុងខែសីហាខាងមុខនេះ។ នេះបើតាមការឲ្យដឹងពី លោកឡុង សារ៉ាវុធ អគ្គលេខាធិការរង គណៈកម្មាធិការជាតិទន្លេមេគង្គកម្ពុជា។
ទន្លេមេគង្គរួមចំណែកដល់ប្រព័ន្ធទន្លេរបស់ប្រទេសកម្ពុជា។ នៅរដូវប្រាំង ទន្លេសាបហូរចូលទន្លេមេគង្គ។ លំហូរត្រឡប់មកវិញនិងទឹកជំនន់នៃបឹងទន្លេសាបជួយដល់សត្វព្រៃ ការធ្វើកសិកម្មដំណាំស្រូវ ក៏ដូចជាជួយដល់ស្ថេរភាពនៃគ្រឹះប្រាសាទអង្គរវត្តផងដែរ៕
ប្រែសម្រួល ភុន ច័ន្ទឧសភា